به گزارش هزارماسوله ،ڕژیمو زاوڕۆکوشو سەیونیستی دماو ۱۱ ڕۆی جەنگی،تەسلیم بی و"ئاتەش بەس"ی دوەلاینە چەنی حماسیش بی هیچ مەرج و شەرتی قەبوڵ کەرد.
چی هەواڵەنە ئامەن کەئی"ئاتەش بەس"ە شۆنی پەیمان نامی چەنی وەڵاتو میسری ڕیک وزیان و جە ساعەتەو ۲ی ڕۆ جمعەی (ئارۆ) بە وەختو ئاگەی لوان ڕاوە و گرو جیهادی ئیسلامی فلستینیچ جە لاو لایەنی میسری چی"ئاتەش بەسە"ەیە هاگادار بیەن.
نیتانیاهو ڕەیسو ڕژیمی سەیونیستی دەستورش دان به گردو وەزیر و کاربەدەسی ئی ڕژیمیە کە جە هەرجۆر قسەوباس و وات و واچ چەنی هەواڵ کیان و میدیای،پارێز بکەران ! داگیرکەردەی مەحەلێ"شیخ جراح" جە بەشو وەرهۆرزو(شرق) بیت المقدسی جە لاو رژیمو تیروریستی ئیسراییلی, بی هۆ دەرگیری و جەنگی دوبارە کە جە ڕۆ ۲۰و پاژەرەژمانگو ئێساڵی(اردیبهشت) دەسش پەنە کەرد و بە هوتەرە و حەملەو وەحشیانە سەرو باریکەو غەزەی , فرەتەر جه ۲۳۰ کەسێ(۶۵ زاۆڕوی,۳۹ژەنی و۱۷ کوهەنساڵێ) شەهید و هەزاران کەسیچ زامار و زەخمی بیەن.
هوتەرە و حەمڵەو ئی چن ڕۆ ویەردەو ڕژیمو سەیونیستی و کەردەوەی تیروریستی سەرو میلەتو فلستینی و کوشتەو ئینسانێ بێ گوناحێ جە باریکەو غەزەی,نارزایەتی و مەحکومیەتی جهانیش شۆنیوە بێ و خەڵکو مەدەنی جه فرەو وەڵاتانو جهانی پسەو ئامریکا و کانادا و ئوروپا و ئێران و عێراق و.....ئی تاوان و کەردەوەو ڕژییمو ئیسراییلیشا مەحکوم کرد و پەرچەمەو ئی رژیمیشانە ئایردا.