به گزارش هزارماسوله ، ئیدەپور فەرماندارو شارستانو پاوەی جە کۆنیشتو هەیئەتو بەڕابەردەی و چەمذاری ئێنتخاباتو ڕەییس جمهوری و هەرپاسە هۆرچنیەو شەوراو شار و دەگای جە ساڵەو ۱۴۰۰ی ڕۆجیاری و بە تایین و دیاری کەردەو
کاربەدەسانو ئی ئێنتخاباتیە واتش:ئێمە ئەمانتدارو ڕەی خەڵکیەنمێ و ئەرک و وەزیفەو وێمانش مەزانم کە ئی ئێنتخاباتە بە خاستەرین شێوە بەرمێش ڕاوە.
ئیدەپور هەرپاسە یاد و ویرو ساڵڕۆ فەتحو خوڕەمشاری و حەماسە ئازادکەردەو ئی شاریە جە عەمەڵیاتو "بیت المقدس"یش گەورە گێرت و ئیشارەش کەرد پینەیە کە: فرەتەر جە ۷۱ شوعبێ جه شارستانو پاوەی، ڕەی مەردمو ئی شارستانیە جەم مەکەران و ئینای خزمەتو مەردمیەنە
و ئیجا واتش:ئی ئێنتخاباتە بە شێوە ئێستاندارد و هەرپسەو ئی ۴۰ ساڵە ویەردەی مەلۆڕاوە و پەنەوازەن دەسکەوت و تەجربێ چاوەڵی وەرچەم بگێرم و مشیۆ جوانێ بەگەرمی پێشوازی بکەران چی ئێنتخاباتیە و پسەو جارانی بیان میذانو هۆرچنیەی.
ئیدەپور جە کۆتاییەنە ئینەیچشە وات: ڕەنگەو"نارنجی"ویروسو کورونای جە ئاژەو ئیسەتێ شارستانو پاوەی ،یاگێ ئۆمیدیەن و پەنەوازەن بە پارێڕنای و ڕعایەتو پروتوکۆلێ چی چن هەفتەی ئایەندەنە،ئی ڕەنگە بواڕیۆ و بۆ بە ڕەنگی"کەوە"و"چەرمە" و ئینە ئەرکو سەروشانو گردو کاربەدەسانو شوعبێ ڕەی گێرتەیەن کە جە هۆرچنیەو ۲۸و چێڵکری(خردادماە)مشیۆ حەتمەن بە چەمذاری و موراعاتی بێهداشتی و تەندروستی،جابجا بکریۆ و بلۆڕاوە.