به گزارش هزارماسوله ،علیرضاحیدری،سَرپَرسو فرمانداریو شارستانو پاوەی چن رۆی چیولی جَ کۆنیشتو هماهنگی توافق و پَیمانی دوەلا چَنی اُستاندارو حَلوجەو عِراقی(حلبچە)واتش:هَنگامی خاسی نریاینی و تَماد٘ارینمێ کاربەدَسیو اَودیمیچ بە جدیت بنَمان وَنە تا ای مرزَ هرچی زودتر واز بو و تردد و آمەولوای مُسافری دَس پَنە بکَرۆ.
ای کونیشتە کە بە حضور و آمادەبیەی آقای امیری مُشاورو اُستاندارو کرماشانی جَ کاروبارو عراقی،سَردار باقری فَرماندەو قرارگاو رَمضانی،کاربەدسو سَرینو سیاسی و انتظامی اُستانداری،کاربەدسو سَرینو راهداری و بارگیری و گواستەی(حمل و نقل)و یاگەگیرو فرمانداری جَ سالُنەو فرمانداری پاوەینە لواڕاوە و تاکید و دوپێک کریا سَرو ای بابَتەیە کە مشیو مَرزو شوشمی تا جَژنَو قُروانی واز بو و بکریۆوە و مَردمو ایدیم و اَودیمی بتاوان بەراحتی آموشۆ بکَرانێ.
چی جَلسَنە،ای بابَتیچە دوپێک کریا کە تا آ عانە موازو کە گردو تفاق و اِمکاناتی لازم،تدارک و آمادە بکریو،پسەو مَرزنایرَو دوێ"گیت"ێ آمەولوای و هَرپاسە سایت و کانکسِ بە گردو امکاناتی پەنەواز.
مَرزو هَشتا(۸۰) ساڵەو شوشمێ پاوەی یۆ جَ قدیمیتَرین مَرزی اَژناسیای ایرانیەن کە نا سی کیلومتریو شارو پاوەی و پَنج کیلومتری شارو نوسودی و ۱۵۰ کیلومتری کرماشانیەنە و نا پاڵو شارو تَوێڵی هورامانو عراقی(حەریمو کۆرسانی) و پەی شارو حَلوجەیچ خَیلێ نزیکەن و خَلکو پاوە و دَوروبَر و تاخایەتێچ فرَو مُسافر و گێڵاویارێ (گردشگر و توریست) ایرانی جَ لوای ڕوەو شارو مَریوان و مَرزو باشماقی و هَرپاسە جَ ویەردَی ڕاگاو دورو قصرشیرینی،بێ نیازێ مَوان.
ایسە مرز و گُمرکو شوشمی(پاوە) فَعالەن و خَریکو خزمَتیەن بە بازرگانەکان و جَ ڕۆنە چنها کامیون بە بار و کەل و پەلی جوراوجور(میوە و تَرەبار و واردە و خوراک،سیمان،کلاشِ هورامانی و پیشەی دَستی و سَروسوقات و...) ڕوانەو ای مَرزیە مَکریو و موَزۆرە و کیاستەو اَودیمی مەد٘ۆ.
مَرزو شوشمی وَختو جَنگی تَحمیلیەنە بینیا و جَ کارکَرد و فعالیت و خِزمەتیەنە کەوت و وَلیم ایسەتێ جزو مرز و بازارچەی فعال و کارآمەو اُستانو کرمانشانی و غَربو ایرانی مدریو قلم و مَژناسیۆ.
شارستانو پاوەی ۸۵ کیلومتری حدود و مَرزی هام بەش و مُشترکش چَنی عراقی (اُستانەو حَلوجەو حەریمو کۆرسانی) هەن.