به گزارش هزارماسوله ، لانداو"ویکرام"-و هندی سەرو مانگێنە نیشتۆ و شادی و وەشیش وسەنە دلێ زانشتمَند و کاربەدەسێ سازمانو آسمانی هندی و بە چەپلێ و خوە و شادمانی،جەژنەشا گێرت و سەروزیرو هندیچ بە نیشان دای و شَکنای پَرچمو هندی،اینەشە بە سەرکوتەی و شاکارە گەورە زانا و دا قەڵەم.
سازمانو وشکنای و پەیجۆری آسمانی هندی(ISRO) هواڵش دا:چاندرایانو-3ێ سەرکەوت جە وەزنایرەو لاندر (Lander-فرودگر)ویکرام-ی و مانگ گێڵە وردیەکەش بەنامێ پراگیان-ی (Pragyan)جە سەرو خاکو مانگێنە و پاسە کە چی هەواڵەنە آمەن،پەی یوەم جاری،ای مانگ گێڵە جە جەمسەروپانیشتو(قطب جنوب)مانگێنە وەسەنەرە،یانی چا دیمو هەمیشە تاریکو مانگێنە(جە سەرو زَمینیەنە)و نیانشانەرە کە چواردە ڕۆی چی یاگێنە بمانۆوە و بِشنیۆنە سەرو بەروبومو مانگێ پەی کۆکەردەی دادە و اطلاعات و زانیاری موادو تۆ(سطح) و چێرخاکیو مانگێ،پسەو سەرچەمێو آوێ و اِستەیەو هلیومو3ێ.
وەڵتەرۆ یانی ساڵەو 2019ی عیسایی،کَشتی آسمانی چاندریانو2ێ جە لاو هندیوە ڕوەو مانگێ پەڕتافیابێ کە پاجۆرە کە مەشیایە،تاوتوکار و مانگ گێڵەکەش نەنیشتەن سەرو مانگێ و خاس نوەسەنەرە و پیجۆرە ای هەرمانێ و پڕۆژە ماڕیا و شکستش وارد و پەی چاندریانو3ێچ،نزیکو شش ملیارد ڕوپیێ (72میلیون دلارێ)هَزینە کریان.
قابلو واتەیەن کە"چندریان" جە زوانو سانسکریتیەنە بە ماناو"اَرابەو مانگێ"ن.