سومین دیدار فرهنگی از سلسلە دیدارهای فعالان فرهنگی ادبی پاوە ، در سنــندج ، با شاعـــــران پر آوازەی کوردستــــان؛ ماموستـــــا جلال ملکشــــــا و بانو کلثوم عثمانپـــــــور بود.
به گزارشهزار ماسوله، روز جمعـــــە ۲۰ آذرماە جمعــــــی از فعالان فرهنــــگی ادبی پاوە، در ادامەی سلســـــلە دیدارهــــای خود بە منظــــور تجلیــــــل از مقام فرهنـــــگی، ادبی و روشنفــــــکری دو شخصیت نامی کوردستـــــان؛ استــــاد جلال ملکشـــــا و بانوی شعــر کوردی سرکار خانم کولسوم عثمانپــــور و ارزش نهادن بە چندین دهە تلاش مستمـــــــر آنان در عرصـــەی فرهنـــــــگ و ادبیات کوردی،طی سفری بە یادماندنی بە شهـــــر پیکرەهای زیبا و نمادیـــــن آزادی ، مستورەی اردلان و محمد هەوراز، و حضــور در منزل هریک از آنان، در دو نوبت جداگانـەی صبح و عصــر، با آنان دیدار بە عمـــــــــل آوردە و از این دو بزرگـــــوار تجلیل کردند.مشروح این خبــر طی گزارشی بە زبان کوردی در پی می آید:
سەردانو وەفدو چالاکانو پاوەی، پەی لاو مامۆســــا جەلال مەلەکشـــــای و خاتوو کولسووم عۆسمانپـــــــوورێ
ساحبـانـەو ڕۆو هەینـی(جمعـەی)۲۰و سەرماوەزی کۆمەڵێــو ج چالاکە فەرهەنـــگی و ئەدەبیەکانـــــــو پاوەی، ج درێــــــــــژەو زنجیـــــرە دیدارەکاشــــانە، ج بەســــــەرکەردەی کەســ‌ـــــایەتیــــە فەرهەنــــگی ، ئەدەبـــــی و ڕۆشنــــــویریەکان و پەنـــــەزانای و ڕێزگرتــــــەی ج هەوڵ وهەرمانەکانشـان، بە پاو بڕیارێــــــوی ئەرەمجیـای وەڵینــــــی ڕووەو شارو پەیــــــکەرەو ئــــــــــــازادی، مەستــــــــــوورەی ئەردەڵانێ و حەمــــــــەی هــــــەورازی، کەوتێ ڕا، هەتا ئیجــــــار ج شارێتەرو نیشتمــــانیەنە، شاعیـــــــران و نویســــــــەرانی تەڵ و وەش نامو کوردستــــــــــــــانی، رێزداران: جەلال مەلەکشـــا و کۆلسووم عۆسمانپـــــــوورێ کەراوە ســەر و قەدر زانـــــــێ ساڵەهای ساڵ ڕەنج و مەینەت و کۆشیــــــای بەردەوامو ساتە سەخت و تاڵەکانشـــــــــان با و پـــــــــــــەی تاوێ هەڵمــــــــەو هەناســـــــــەو شیعــــــرێ و ئەندێشەیشـــــــــان، گوڵـــو همێدیشــــان لاونۆ و باخـــــــــە شیعرو ئەندێشــــــــــــــــــەی کوردی ڕەنگاڵەتەر برمـــــــــانۆ.
ســـەردانــــــــــو کولســــــــــــووم خانــێ:
بە پاو هەواڵەکەی، سەردانو وەفدو چالاکە فەرهەنــــــــگی ئەدەبیەکانو پاوەی، پەی لاو شاعیرە و نویســـــــەرەی گەورێ کوردی، خاتوو کولسووم عۆسمانپــــــــــوورێ، ج سەعاتەو ۱۰و سەرساحبیــــــۆ، دەسش پەنە کەرد و دمــــــــــای خێرئامـــــــــای و پێشــــــوازی کەردەی گەرم و شایستەیشـــــان ج لاو کولسووم خانێ و بنەماڵەکەیشۆ، سەرەتا، کاک کەیهـــان عەزیزی دمای رێز و سڵام و وەشەویسـی وێش و وەفدو چالاکـــانو پاوەی، خزمەتو کولسووم خانێ و بنەماڵە بەڕێزەکەیش، بە ئاماژە دای سەرو دۆخەی فەرهەنــــگی ئەدەبیەو ئارۆو کوردەسانی و تایبەتیتەر باری فەرهنگی ئەدەبی هەورامانی و نەخش و ڕۆڵو کۆلسووم خانێ پێســـە ژەنە چالاکێوێ چی پانتـــــــــانە، هۆرچنیەیشـــــان پێسە کەسایەتیێوە شایانەو سەردانــــــــی و ڕێز چەنەگرتەی،گێڵناوە پەی چالاکی بەردەوامیشـان پێسە یەکەم ژەنە هەورامیێ هامچەرخێ جە ئەدەبی کوردیەنە و دمایچــــــەو، ئارەزوو سەربەرزی و سەرکەوتەیش پـــــــــەی ئی کەسیەتیە کەرد. ئیجــــــــا کاک سەعـــــــــــدی حاجی، ج کورتــــــە باسێوەنـــــــە، بە ئیشــــارە دای بە ڕەوتـــــو ئەدەبــــــی کوردی و ئەدەبو ناوچەو هەورامانی،نەخش و کاریگەری و هەرمانەو کولسوومێشا بەرز نەخشنا و بە ئیشـــارە بە کۆمەڵە شێعـــــرو “گرێ” ، سەڕەڕاو ئیشــــارەکەردەی بە جوانیناسـی شێعرەو کولسوومێ ، خیاڵی ناسک، بەرز، نەرم و نیانی و مێهرەبانی شێعرەکاش، بە بەشێوە دیارو کەسیەتی شـــــاعیرەکێ زانا و تەمــەن درێـــــــــژی و بەردوامیش پەی ئی خاتوونێ بە ئاوات واست. دماتەر کاک نەعمەت ڕەحمانی، ج باسێوە کورت و تەحلیلیەنە، بەرهەمــــە شێعــــری و نویسیـــاریەکێ کولسووم خانێش (پێســـــە یەکــــــــەم ژەنێــــــوە هــــــــــەورامیێ ج ئەدەبی هامچەرخی کوردیەنە)، بەرز و ناوازە دەی قەڵەم و دیــــای و هەڵوێستــــی سەردەمی و نیشتمــــــــــانی و جوانی شیعــــــــرەو کولسوومێش، وەسێ زانا ج هۆرچنیــــایشەنـــە پەی سەردان کەردەیش. کاک نادر نەقشبەنـــــدی چ بە چن بیرەوەریێـــــــــوە ئەدەبی باسەکەش پێشکەش کەرد و خاتوو کولســـــوومەش بە ئینسانێـــــوە ئازا و دڵســـۆزەو فەرهەنــــــــگی کوردی زانا. ج درێــژەو دیدارەکەیەنە، خاتوو کولسوومە ســــــــەرو داواکاری بەشداراکۆڕەکەی، باسێوە تێر و تەسەلش سەرو ژیـــــــــــوای بنەماڵەیی و ژیــــوای ئەدەبیش پێشکەش کەرد و بە ئامـــــاژە دای بە ڕۆڵ و نەخشـــــــی بنەڕەتی تاتەیش ج سەردەمــــــــــو زاڕۆڵەیشـــــەنە، سەرەتاو ئاشنــــــــا بیەیش بە زوان وئەدەبی کوردی گێڵناوە پەی سەردەمو وەڵێ شۆڕشو گەلانو ئێرانی ودماتەری، وەختـــارێو تاتەش هاندەرێوە سەرەکیــــش بیەن. ئی شاعیرێ بە ئیشـارەدای بە ڕەنج و مەرارەت و تاڵیەکانو ژیوایش، حــەز و وەشەویسیش بە شیعـــــــــرێ و نیشتمانی و سروشتی جوانو هەورامــــانی، بە هاندەرێوەسەرەکی سەرو کار و چالاکیش زانا و بە ئیشـــــــــارەدای بە ئەرەمەرزیایش ج بەشو کوردی”هەورامی” ڕادیۆ سنەی و پاشـان درێژەدایش بە وانای زانکۆی و ئەوەواڕیای کاریش پێسە مامۆسای، بە هۆکارێ پاک و پۆختە بیەی کاری ئەدەبی کوردیش زانەی و بە ئامــــاژەدایش بە بەشداری کەردەیش ج کۆڕ و کۆبونەوە و سمینارەکانە ج ڕۆژهەڵات و باشوورەنە، جەختش سەرو ئینەیە کەردۆ کە، هەرچی زیاتەر پتـــاوۆ ج کارەکاشەنە سەر گنۆ.ئی خانمە چالاکێ بە ئامــــــــــاژەدای بە کارەکانو “گــــــــرێ”، “وانای جوانیناسی دیوانو مەولەوی”،”دیوانو ئەحمـــەدبەگی کۆمـــــاسی”، “کۆمەڵــــــە شیعـــــرو زاڕۆڵان” و دەیـان وتــــــــار و لێکۆڵینەوێتـــــەرێ، هیـــــــــواش واســــە عالتــــــــەر و جددیتـــــەر سوورەبۆ ســــــــەرو چالاکیش و ج ئاخریچـــــــــۆ، ســــــــــەرەڕاو وەشحــــاڵی، سپـــــــاس و پەنەزانای فرەیش، پەی ســــــــەردانو وەفدو چالاکانو پاوەی، دیـــــارش وست کە هەرچــــــن وێش، قابلو ئی رێزگرتەیە نمـەزانۆ، بەڵام هەر ئی هەڵوێستە جوان و عال و دۆسانە، هانەو تینێوە تازێش بەخشــــــــۆ پەنە هـــەتا فرەتەر ج ئیسەی،سوورتەرە بۆ سەرو کار و چالاکی فکــــری، فەرهەنگی و ئەدەبی.
ج بەشێتتەرەنە، هــەرکام ج کاک عەدنـــان مــورادی ، کاک پەروێز بابایی ، کاک مۆختـــــــار هەدایەتی ، خاتـــوو شــــــەوبۆ عەلیمحەممـــــــــەدی و خاتـــــوو فەریبــــــــا خالێدیێ، سەرەڕاو یاونای وەشحاڵی و شادمانیشان پەی ئی دیداریە و ئاواتەو تەمەن درێـــــژی پــــــەی کولسووم خانێ، چن پارچە شیعرێشا وانەیوە و پێشکەش پی خاتوونێشــــــا کەردێ.
ج بەشــی کۆتاییەنە، کاک داود غەفاری ج وردەباسێـــوی خێرانە، بە ئیشارە بە بارودۆخی فەرهەنــــگی و کۆمەڵایەتی کۆمەڵگای کوردی و بە تایبەت ناوچــەو هەورامـــانی، کەشی ئاخەنیا بە کوولتوورو پیاســــــالاری و زەخت ســـەرو ژەنــــــێ پێسە نیمـــــــەی بنـــــــــەڕەتی کۆمەڵگای و ئەنەترنجیـــــایش ج کونجێڵەو تەنیایی کۆمەڵگای، بەشداری ئەکتیوو کەسانێـوە پێســە کولسوومێش ج فەرهــــەنگ و ئەدەبی کوردیەنــــــــە بە ڕچە ماڕایێوی دەگمــــــــەن، ج قەڵەم دا و بە ئیشارە پینەیە کە ج ســـــــی چـــــــــل ساڵی ویەردەنە ئێمـــــــــــەی کورد ج بەشو ڕۆژهەڵاتیەنە، تەنیا چن کەسێ ژەنیما هەنێ ، تاوابۆشا بە مەڕتەی تابـــــوە دەس و پا گیرەکــــــان، هەنگامـــەی ژیرانێ و ئازاشا نیـــەی بۆ مەیــــدان، کە کولسووم خانە هێمــــــــــــــــاو ئی جووڵەیەنە و بە تایبەت کە پێســــــە ژەنێوە هەورامـــانی چی بازنەنە فرە ژیــــر و ڕۆشنویــر و بەیاگێ، بیێنە و کریۆ پێسە ڕچەماڕەو ژەنەو ناوچەکـــــەی چی بوارنە حەسێبش ســـەر کریۆ، تایبەتیتــــەر ئانە کە، یەکـــەم ژەنێوەنـــــــە بە دیایێـــــــوی سەردەمیــــــــانە تازەکەرەو شیعـــــــرەو ناوچەکەیەنــــــــــە و ئــی تایبەتمەندیە ناوازێ بیێنێ هۆکارو ئینەیە کە ئێمە ج پــــاوە و هەورامانۆ بە فەخرۆبەیمێ دیدارو ئی کەسایەتیە ئازیزێ و ڕێز و وەفا و پەنزانایی وێمــــــان و پاوەی و هەورامانیش پەنە، بیاونمێ. هەر پاسە بە سەرەنـــــــج دای بە هیممــــەتـــەی بەرزەو هەوڵی چــن قاتو خاتوو کولسوومێ ج ڕاو خزمەت پەی فەرهـــەنگ و ئەدەب و ڕۆشنویـــــری کوردی، سەرەڕاو ژیانی سەختو خێــــــزانداری، بە ئیشارە پەنەدای بە تاقەت و نەخشو کاک هـــــــــادی پێسە شەریکو ژیوای کولسووم خانێ، ئەوپەڕو سپـــــاس و پەنەزانــــــای وێش و وەفدەکەیش پەی کاک هادی ئەرمانا و ژیوای بنەماڵەیی چیمنەشە بە دەگمەن زانا کە، مشیۆ کولسوومخانە و گردو بنەماڵەکەیش قەدرش بزانان. کاک داود ج بەشــــی کۆتاو قســــەکاشەنە بە ئیشـــــارە پەنەکەردەی بە هۆرچنیـــــــــەی کولسوومێ پێســــە کەسیەتی قابلەو شایانو ڕێزگرتەی، دیارش کەرد ڕەنگا نەتاوابۆشان بەشێــوازێوە شایستە و شیـــاو، چی خاتوونـــە بەڕێزێ ڕێز گێرا و هەرچـــن فرەتەر مـــــــوازۆ ، بەڵام تەنیا بە بەخشـــــــــــای دیاریێوە هونــــەری ، تەمەن درێــــژی و ژیوای پەڕ شانازی و سەربەرزانــــەش پەی بە ئاوات مـــوازمێ و هەنمـێ ویـــرنە ج پاوەنەو جوان و جوانتـــــــەر ڕێز ج وێش و بەرهەمــــەکانش گێرمێ.
ج ئاخریچۆ بە چەڵەڕێـزان و وەشی، دیاریێوە تایبەت کە وێش ج تابلۆیوە هونــــــەری جـــــوانەنە تاریف کەرد (کاری هونــــەری هونەرمـــــەند کاک یاقــــــــۆ شوجاعی) ج لاو وەفـدو چالاکانو پاوەیۆ ســـــــــەرو دەسو خاتوونە بەشدارەکا وەفدی ج دلێ شۆر و هەستێـــوە جوانیـــــەنـە، پێشکەش بە خاتوونە شیعرەو ئەدەبی کوردی کریا.
ئاخر بەش یچ، دمــــاو پێشــکەش کەردەی چن کتیبێـــوی پێســـــە دیاریو کاک فەرشیــــــــد شەریفی، عەدنــــــان مــــورادی و مۆختـــــار هەدایەتی، بـــــە کولسووم خــــــــانێ، دەس وەشی و سپــــاسی فرەو وەفــــــدو پاوەی بێ ج مێمـــــــانداری گەرمی وێمــــــــانە و هەرپاسە نیمـــــــــــەڕۆ خــــــــــــوانو کولسووم خانێ و بنەماڵەکەیش.سەردانــــــــو جەلال مەلەکشـــــــــــای ؛وەفدو چالاکانو پــــاوەی، ج درێـــژەو سـەردانەکەیشــــــانە، سەعات۳ێو دمانیمــــەڕۆی، بە مەبەستو ســــەردای شاعیری نەتەبەیی و نویســـــەری وەشنام و گەورەو کوردی، ڕێـــــزدار جەلال مەلەکشــــــا، چەنی خاتوو کولسووم عۆسمانپـــــــوورێ لوەی پـــــەی یانەو کاک جەلالی و بە شێـــــوازێـــوی جــــــــوان و شایستە ج لاو کاک جەلالی و بنەماڵەکەیشاوە پێشــــوازی و خێرئامای کریەی.
ج ســــەرەتاو دیــــــــدارەکەیۆ کاک کەیـــــــــــــهان عەزیــــــــزی ج لایەنو وەفدی فەرهەنـــــــگی پاوەیۆ، بە پڕژیـــــــــــــای ســـــــەرو کەســـایەتی فەرهەنـــگی، ئەدەبی و نیشتمـــــانی کاک جەلالی و تەئسیر و کارکــــردی قووڵ وشیعــــر و چیرۆکەکاش، سەرو کۆمــــەڵگای کوردی و بە تایبەت چینو جـــــوانی و وانەری، بە ئاماژەدای بە چندیـــــــن خاڵا، کار و زەحمەتو مامۆســـا جەلال مەلەکشـــــــایش بەرز و بە نــــــــــــرخ زانــــــا و جـەختش کەردەو ســــەرو ئینەیــــە کە خەڵک مشیــــــۆ منەتبــــارو تێکۆشــــــــــــان و هەوڵی پڕ ڕەنـــــــج و مەینەتبارو مامۆســـــــــای بۆ کە تاواش ئەدەبو وێگـــــری “مـــــــــدرامـــــانــی” ج قۆناخێـــــوەنە بەرۆنـــــــە قۆناخێوتەر و ئازا و شێلگیر پاڵپشتێوە فەرهەنـــگی ئەدەبی بۆ و نویسیـــــــــــاکێش ج سەردەمــــــــــە گرانەکانــــە چارەنویس ســازێ با و هـــــــــەر پی بۆنەنە، نامێ و نامبانگو کاک جــەلالی سەرجەم دەڤەرەکانە تەقۆوە و بۆبە وەشەویسو کۆمەڵگای . کاک کەیهـان ج درێــــژیی باسەکەیشەنە واتش ؛ مامۆستـــــــا جەلال! شمـــــــــــە شایانو قەدر گرتەیەندێ و کورد بە گشتــــــی فەخــــــــرتا پەوڤە کەرۆ و، هەر پی بۆنــــــەو، پــەی خـــــــــــاترەو ئامـادەیی ئەکتیڤ و شیعر و نویسیەیەکات ج کۆمــــــەڵگانە و پەی ساڵەها هــەوڵ و تەقەلەیتـــان ج راو خزمەت بە زوان و وێژە و کۆلتووری کوردی،ئێمە پێسە چالاکانی فەرهەنگی پاوە و هەورامـــــــانی بە ئەرکمــــــــا زانا هەتــــــــا بەیمێ لاتان و چەوپەڕو سپــاس و پەنە زانایمــــان بواچم ؛ شمــــە فرەتـــــەر شایانو ڕێز یەندێ.
ج درێژەو سەردانەکەیەنە، ڕێزدار کاک جەلال مەلەکشا، بە هەستێــوی جوان و ڕوێـــوەی وەشەو زوانێـوی شیــــرین، ئەوپەڕو وەشحاڵی ، سپاس و پەنەزانای وێش بە نیسبەتو سەردانەکەی، نیشانە دا و فــــرە فـــرە سپاس و خێرئاماییش کەرد ج وەفدو پاوەی و واتش ؛ ئەمــــن وێـــــــــم بە شایانو ئی گرد زەحمـــــەت و گەورەیی شمـــــە نمــــــەزانوو ، هــــەرچن پی ئامایتانە شەرەفێوی گەورە بەمن بڕیان.مامۆسا جەلال ج درێــــژی قسەکاشەنە، باسێـــــوە کورتش سەرو کار و ژیـــــــوای ئەدەبی و بەرهەمەکانش کەرد و واتش من کە ئاشقو خاکی وەڵاتی و سەروستەیشەنان، هیـــچ کەی نالە باری و تەنگ و چەڵەمەو وەردەمیم نەتاوانش تەنگم پەنە چنۆ و ج نیمــــەو ڕەینە بازۆمۆ. من پێسە سەروازێوە فەرهــــەنگ و ئەدەب و وەڵاتیم چێش تاتوابۆم کەردەنم و پێســــە ئەرکو سەرشانیم زانان و شوکور بەرو ڕەنج و زەحمەتیچم دیەنمۆ کە ڕێز و ئێحترامو خەڵکیا بە نیسبەتو وێم و کارەکانم.
دماتــــەر کاک جەلال ج کەشێوە گەرمـەی وێمانێنـە جواوو پەرسەکاو وەفدیش داوە ، کە فـــــرە یاگێ وەشحاڵیشان بێ.
ج بەشێوتەرەنە، کاک فەڕشیــــــد شەریفی بە باسێوە کورت ســــــــەرو کار و چالاکیـــــەکانو کاک جـــــــەلالی بــــــە تایبەت کار کەردەیشان ج گۆڤــــــــــارو”ســــــــــــــروە”یەنە، ئامـــــــــاژەش دا بە هۆرگێڵنای بەشێوە ج چیـــــرۆکە کانو مامۆســــای پەی زوانی فارسی و چاپ کەردەیشان ج گۆڤار و ڕۆژنامەکانە.کە ئی باسە جەلاو کاک جەلالیۆ فــــرە بە نـــــرخ تەماشە کریاو، کاک جەلال واتش ؛ کارو تەرجمــــــــەو چیرۆکەکانـــــــم ج لاو تــــۆوە دیەنم و عـــــال ئاما ڤەرو چەمیم ودمـــــای جەم کەردەی کۆو بەرهەمەکانم بە تایبەت چیرۆکەکانم ، تەرجەمەکێو تۆیچم نیاینێ و خەریکەنا پـــــەی چاپ و وەڵاکەردەیش. هەرپاســــە کۆو کارە شیعریەکانــم پارەکە کەوتــــــــــــەن وەرو چەمــــا و بە تایبەت ئا بەشە شێعرێمــە کە وەڵتەز ئیزنو چاپیشا نەویەن؛ هەرچن سەرقاڵەنا بە جواودای…..!
ج کۆتا بەشـــو دیدارەکەیەنە و بە پێچـــــەوا
نـــەو مــەیلی و نەکوشیـــــای تامەزرۆییشــــان و تەنیــــــا، بە ڤەرچەم گرتـــــــەی دۆخی ڕۆحی و جەستەیی مامۆســـــای و فرەتەر سەرقـــــاڵ نەکەردەیش، چــــــــەنی ئەوپەڕو هەست و وەشــــــــەویسی و شادمانی ئی سەردانیە، وەفدو چالاکانی فەرهەنــگی پاوەی هۆرستێ بە بەخشـــــــای دیاریێوە هونــــــەری ( کاری هونەری هونــــەرمـــــەند پژمــــــــــان شوجاعی) و ئەدەبی ڕێک وزیــــــای تایبەت بە مامۆســـــــا جەلال مەلەکشـــــــای وهەرپاسە چندین کتیبێ دیاریو کاک فەرشیــــــــــــدی و کاک مۆختـــــــــــاری و کاک عەدنـــــــانی و دمایچـــــــۆ خواحافـێــــــزی گەرم و پڕ تاســــــــــەو وەفدی ج مامۆســـــای و ئەوپەڕو وەشی و شادمــــــــانی کاک جەلالی پەی ئی سەردانیە و بەخشــــــای دیاریە کەیشان.
پەی ئەژناسای زیاتەری:
ژیوای و بەرهەمەکێ خاتوو کولسوم عۆسمانپوورێ؛
جە ساڵەو ۱۳۴۷ی ڕۆجیاری جە دەگاو ڕەزاوێ ئامێنە دنیا و هەر زوو یانەشان لوان ئەو مەریوان و چاگە وەنەنش و دماتەر جە سنە سەرو وانای بەردەوامە بیێنە و ئێتر تا پلەو ماستەرو زوانی فارسی درێژەش بە وەنەی دان. کولسووم عوسمانپوور پەی ماوەو دە ساڵێ واچەرە و پێشکەشکەرە و بەرنامەو ئەدەبی ڕادیۆی بییێنە جە شارو سنەی. چی ماوەنە تاوۆ وێش خاستەر جە جاران پەروەردە کەرۆ. بە واتەو وێش جە بنەماڵێوی هونەرمەند و ئەدەبپەروەرەنە یاوێنە پەنە و تاتەیش کاریگەرییوی دیارش سەرشۆ نیانەرە. کولسوومە دما بە دماو شۆڕشو ئێرانی جە یەکەم کەسەکانە تاواش ئازایانە بێنە گۆڕەپانەو خەباتی ئەدەبی و فەرهەنگی و وێش وزۆبەر. هەرپاسە، یەکەم ژەنیەنە شێعرەی تازێ هەورامییەش نویسێنە؛ پۆچی چی بارۆ جە یەکەم کەسەکانە. ساڵەو ۱۳۸۳ی جە کتێبێوەنە بە نامێ “گرێ” شێعرەکێش، بە هەورامی و سۆرانی، چاپێ کەردێنێ. جگە جە شێعرێ، جە وتار نویسی و تاووتوو کەردەو بابەتەکانە کارش کەردەن و جە گۆڤار و جە فستیڤاڵەکانە چالاکە بیێنە. یۆ جە کارە بە نرخەکاش کتێبێوەن سەرو جوانخاسی شێعرەکاو مەولەوی کە چاپ کریان. کولسوومە هەرپاسە جە بوارو ئەدەبو زارۆڵانە و جە بوارو کارو ژەنانە کارش کەردەن و کتێبێوش بە نامێ ” هەتۆڵ مەتۆڵ شەمامە” پەی زارۆڵا چاپ کەردەن. ئێ خاتوونێ ئیسە مامۆساو مەدرەسەیەنە و چەنی خێزانەکەیش سەربەرزانە سنەنە مژیڤۆ.*****
ژیوای و بەرهەمەکێ کاک جەلال مەلەکشای؛
جەلال مەلەکشا، شاعێر و چیرۆک نویسو گەورەو کوردیا جە وەرنیشتو کوردستانیانە، کە ساڵەو ۱۳۳۰ی ڕۆجیاری جە دەگاو مەلەکشای سەر بە شارو سنەی ئامان دنیاوە. جەلال مەلەکشا پێسەو ئێنسانێوی بەرپرسی و کۆڵنەدەری هەمیشە قەڵەمەش جە ڕاو گەل و نیشتمانی و نەتەوەی وستێنە کار و چی بارۆ ئازارێ فرێش چەشتێنێ. جە سەرەتاوە بە فارسی شێعر و داستانەش نویستێنە و فرە سەرکەوتەیچ بیەن؛ پۆچی، بەبێ ئانەی کتێبی چاپ کریاش بۆ (کە مەرج بیەن) وەڵێ شۆڕشی بۆ بە ئەندامو کانوونو نویسەرانو ئێرانی. دما بە دماو ساڵەو ۱۳۵۷ی دەس بە کوردی نویستەی کەرۆنەو پەی ماوەو ۱۴ساڵێ بۆ بە ئەندامو گۆڤارو سروەی کە چی ڕانە خزمەتیوی دەردوەر کەرۆنە و بە ڕاسی جگە جە کاریگەری وەرچەمی، متاوۆ متمانیوی قایمیچ دۆ بە شاعێران و نویسەراو ئی بەشەو کوردستانی. جەلال مەلەکشا وەڵتەر شێعرەکێش جە کتێبێوەنە بە نامێ “زڕەی زنجیری وشە دیلەکان” چاپێ کەردێنێ. شێعرێ فرێ ئی شاعێرەیە پەی زوانەکاو تەرو دنیای هۆرگێڵیەینێوە. چی وەختانەیچ شێعر و داستانەکێش، بە فارسی و کوردی، جە کتێبێوەنە وەڵا کەردێنێوە. ئی شاعێرە بە داخەوە ئیسە چارەنویسێوی عالش نیا و جە شارو سنەیەنە ژیان بەرۆ سەر. تایبەتمەندی ئی شاعێرەیە ئانەنە هەرگیز پەی نان و نامێ قەڵەمەش نەوستێنە کار.
نظر شما
دیدگاه های ارسال شده توسط شما، پس از تایید توسط مدیریت در وب سایت منتشر خواهد شد