جە آمریکانە لاشەو ساقو ژَنێوە مەردێ دماو چوارساڵێ دلێو تاووتیەنە کەوتێنە بەرۆ

به گزارش هزارماسوله ،راهِبَە«ویلَمینا لَنکستَ»نامێو آ ژَنێنە کە ساڵەو 2019 عیسایی،مَردێنە و هَرچا نماگا(صومعە)شاریەنە کِریاینە چیرو خاکی و مانگێ ویەردێ و شۆنەو چوارساڵێ کە کاربەدەسێو شارو گاورو ایالَتو میزوری خەریکێو گەورەکَردەی و سامان دای محوطە و دەوروبەرو ای صومعەیە مَوان،بە ناچاردەس مَکەران بە کَنەی وهۆرکڵاشتەی زَمینی کە چَمشان مَگنۆ اَو لاشەو ساق و دَس نواردە و تێک نەشیەی آ ژَنێ.  

کاربەدَسێو آ صومعەیە(نماگا) کە تماد٘ارێ بیەنێ شۆنەو چیر و چوەرکَردَی زَمینی و آ قەورێ و تاووتیە،پێشەوپَڵا و اِسکلت بوینان،کە دماو آنەیە چَمشان کەوتەن ای دیمَنَیە،سەرەشان چی چێوەیە و کار خوای سڕ مەنەن.

بابَتێ کە مَشیو بواچیو اینەنە کە ای ژَنێ چوار ساڵێ چیوَلی جە دلێو تاووتێ چۆینیەنە(چوبی) و بێ مومیایی کَردەی، سراونایبێشان.

ای خەوەرە قَرار نەویەن پَخش بۆوە،اما یۆ جە کاربەدَسێو ای عیبادَتگایە جە ڕاو ایمیلی،ای هوالشە کیاستَن و خەلک هاگاد٘ار مەد٘ۆ و شۆنیەرە هَزاران نَفرێ جە گردو آمریکاینە ڕوانەو آ شارەیە مَوان و مَلان پەی تَماشاو ای لاشەیە.

یۆ چا کَسانە کە لوان ای لاشەشە جە نزیکو دیەن بە هوال کیانو "اَسُسیایتدپِرسـی"واتَنش کە:اِجازَشان دا دَس بَیمێ آ لاشەیە و دَسش پۆرە باورم.

جە دمایین گوزارشتو آ نماگایه(صومعە) پیجۆرە آمەن کە هرکسێ دڵش پۆوە بۆ مَتاوۆ جە دلێو تاووتی شیشەییەنە تَماشاو ای لاشەیە بکَرۆ و نزیکَنە بوینۆش بەڵام کَس اِجازَش نیەن دَسش پۆوە تەقنۆ و ایجا اِجازَشان دان بە خَڵکی کە مَتاوان خاکو آ گۆڕێ(پسەو تَوَڕکی) بَران چَنی وێشان.

پانویس:

راهِبَە-راهِبێ-نان(ژَنێوە خواتَرسە)-NUN